របកគំហើញនៃផ្សិតដំបែខ្មៅពូជអរីអូបាស៊ីឌាម (Aureobasidum)៖ មីក្រូសរីរាង្គ
នៅឆ្នាំ ១៩៧៥ សារធាតុដែលស្រដៀងនឹងជែលត្រូវបានរកឃើញក្នុងអំឡុងពេលប្រតិបត្តិការនៃការផលិតភេសជ្ជៈមួយប្រភេទ។ ការវិភាគបានបង្ហាញពីរបបគំហើញចេញមកពីផ្សិតដំបែខ្មៅពូជអរីអូបាស៊ីឌាម(Aureobasidum Yeast) ដែលផលិតសារធាតុប៉ូលីសាការីតជុំវិញជញ្ជាំងកោសិកាផ្នែកខាងក្នុងរបស់វា។
ការសិក្សាមួយចំនួននៃផ្សិតដំបែខ្មៅពូជអរីអូបាស៊ីឌាម(Aureobasidum Yeast)និងសារធាតុស្រដៀងនឹងជែលនេះ បានបង្ហាញថា ប្រសិនបើផ្សិតដំបែខ្មៅពូជអរីអូបាស៊ីឌាម(Aureobasidum Yeast)ត្រូវបានដាំដុះក្នុងបរិយាកាសដែលសំបូរទៅដោយសារធាតុរ៉ែ សារធាតុស្ករ (Sucrose) កន្ទក់ និងវីតាមីន នោះមេដំបែនឹងផលិតបានជាសារធាតុរាងជាចាហួយក្នុងបរិមាណដ៏ច្រើន ដែលសម្បូរទៅដោយបេតាគ្លូខេន(Beta-glucan)។
ភាពអស្ចារ្យរបស់បេតាគ្លូខេន (Beta-Glucan) និងប្រព័ន្ធការពាររាងកាយ
ការដាំផ្សិតដំបែខ្មៅ(Black Yeast)អាចឱ្យយើងទទួលបានសារធាតុជែល ដែលសំបូរទៅដោយបេតាគ្លូខេន (Beta-glucan)។ នាពេលបច្ចុប្បន្នសារធាតុនេះទទួលបានការពេញនិយមក្នុងការលើកមកជជែកគ្នាក្នុងចំណោមអ្នកបម្រើការងារក្នុងវិស័យវេជ្ជសាស្ត្រ។ គ្លូខេន(Glucan)គឺជាសារជាតិសរសៃ(Fiber) ឬសារជាតិប៉ូលីសាការីត ដែលកើតឡើងពីម៉ូលេគុលគ្លុយកូសជាច្រើនតភ្ជាប់ជាមួយគ្នា។ ការដាំផ្សិតដំបែខ្មៅពូជអរីអូបាស៊ីឌាម (Aureobasidium Black Yeast) ធ្វើឲ្យយើងទទួលបានបេតាគ្លូខេន ១,៣-១,៦ (Beta-glucan 1,3-1,6)។ ១,៣-១,៦ ជាលេខកំណត់ទម្រង់ម៉ូលេគុលរបស់សារធាតុបេតាគ្លូខេន(Beta-glucan)។
ដោយមានរចនាសម្ព័ន្ធបែបនេះ ទើបធ្វើឲ្យបេតាគ្លូខេន ១,៣-១,៦ (Beta-glucan 1,3-1,6) ជាអាថ៌កំបាំងនៅក្រោយការជំរុញប្រសិទ្ធភាពអង់ទីកររបស់មនុស្ស។ វានៅមានសមត្ថភាពក្នុងការការពារប្រតិកម្មគីមីហៅថា “អុកស៊ីតកម្ម” ដែលជាប្រតិកម្មរវាងអុកស៊ីសែនជាមួយធាតុផ្សេងទៀត។
ការចម្រាញ់សារធាតុគ្លូខេន(Glucan)ចេញពីផ្សិត
បេតាគ្លូខេន (Beta-glucan) គឺជាសារធាតុដែលត្រូវបានសំយោគឡើងនៅលើជញ្ជាំងកោសិការបស់មីក្រូសារពាង្គកាយហើយក៏ប្រទះឃើញនៅក្នុងប្រភេទផ្សិតផ្សេងទៀតដូចជា Agaricus, Blazei, Murill រួមទាំង Ganoderma Lucidum ។ គ្លូខេន (Glucan)ដែលបានរកឃើញ គឺជាខ្សែម៉ូលេគុលគ្លុយកូសដែលមានប្រវែងខ្លី។ ប្រភេទបេតាគ្លូខេន (Beta-glucan)ដែលពេញនិយមបំផុតនៅក្នុងប្រទេសជប៉ុនត្រូវបានរកឃើញនៅក្នុងផ្សិត។ ទោះបីជាយើងចម្អិន និងបរិភោគផ្សិត ក៏ដោយ ក៏រាងកាយរបស់យើងមិនអាចស្រូបយកសារធាតុបេតាគ្លូខេនដោយផ្ទាល់បានទេ។ នោះក៏ព្រោះតែវានៅមានសារធាតុកខ្វក់ និងសារធាតុផ្សេងទៀតដែលរាងកាយរបស់យើងមិនស្រូបយកបាន។ ហើយសារធាតុចម្រាញ់ចេញពីផ្សិតនៅមិនអាចទុកចិត្តបាន បើផ្អែកទៅលើគុណភាពផលិត និងស្តង់ដារគុណភាព។
លើសពីនេះផលិតផលដែលផ្សំពី សារធាតុបេតាគ្លូខេន(Beta-glucan) ពិតជាកម្រណាស់។ វាជារឿងពិបាកសម្រាប់អ្នកបរិភោគ ក្នុងការពិនិត្យមើលរកអំណះអំណាង ។ ថ្មីៗនេះមានផលិតផលអាហារបំប៉នដែលមានសារធាតុបេតាគ្លូខេន (Beta-glucan) ដែលចម្រាញ់ចេញពីផ្សិតដូចជា Schizophyllum Commune ។
ដោយឡែក ការចម្រាញ់សារធាតុបេតាគ្លូខេន (Beta-glucan) តម្រូវឲ្យមានការប្រើប្រាស់សារធាតុគីមី ឬវិធីតាមបែបវិទ្យាសាស្ត្រជាចាំបាច់ ដែលមិនអាច ជៀសវាង ផុតឡើយ ហើយសមាសធាតុសំខាន់ សម្រាប់ការស្រូបយកដោយរាងកាយ ក៏ត្រូវបានបាត់បង់ដែរ។ គុណភាពផលិតផលចេញពីការចម្រាញបែបនេះ មិនបានគួរឲ្យពេញចិត្ត ឬសមស្របនឹងការចង់បាន ព្រោះតែវាបាត់បង់តុល្យភាពសមាសធាតុធម្មជាតិ ។
សារធាតុប្រើក្នុងការដាំដុះផ្សិតដំបែខ្មៅពូជអរីអូបាស៊ីឌាម(Aureobasidium)គឺធម្មជាតិ១០០%
បេតាគ្លូខេន (Beta-glucan)ទទួលបានពីផ្សិតដំបែខ្មៅ(Black Yeast) គឺជាសារធាតុមានរាងជាចាហួយ ធម្មជាតិ (ពាក់កណ្ដាលរាវ) ដែលផលិតឡើងពីផ្សិតដំបែខ្មៅ(Black Yeast)និងផ្ទុកដោយមានសារធាតុបេតាគ្លូខេន (Beta-glucan) នៅខាងក្នុង ។ សារធាតុ ចម្រាញ់ចេញជាបេតាគ្លូខេន(Beta-glucan) គឺត្រូវការការសម្លាប់មេរោគដោយប្រើសីតុណ្ហភាពខ្ពស់។ ដោយគ្មានការប្រើប្រាស់សារធាតុគីមី ឬវិធីបែបវិទ្យាសាស្ត្រក្នុងដំណើរការចម្រាញ់ ផលិតផលសម្រេច គឺបេតាគ្លូខេន (Beta-glucan) ក្នុងទម្រង់ជែលធម្មជាតិ100%។ បេតាគ្លូខេន (Beta-glucan) ដែលចម្រាញ់ចេញគឺជាល្បាយនៃសារធាតុ ផូស្វ័រ ប៉ូតាស្យូម ម៉ាញេស្យូម កាល់ស្យូម វីតាមីនសេ អាស៊ីត Oleic និងអាស៊ីត Linoleic។ ជាមួយល្បាយនេះ បេតាគ្លូខេន (Beta-glucan) ត្រូវបានស្រូបចូលទៅក្នុងរាងកាយរបស់យើងកាន់តែងាយស្រួល និងមានប្រសិទ្ធភាពយ៉ាងឆាប់រហ័ស។
