ជំងឺមហារីកដែលជាមូលហេតុបង្កការស្លាប់នាំមុខគេទីពីរនៅទូទាំងពិភពលោក នៅតែបន្តកើនឡើង បើទោះបីជាការខិតខំប្រឹងប្រែងបន្តកំពុងត្រូវបានធ្វើឡើងដើម្បីកំណត់ ការព្យាបាលប្រកបដោយប្រសិទ្ធភាពជាមួយនឹងផលប៉ះពាល់តិចតួចក៏ដោយ។ ការសិក្សាពីមុនៗបានបង្ហាញថាការរលាកកោសិកាតូចៗ (microinflammation) រ៉ាំរ៉ៃដែលកើតឡើងក្នុងជំងឺនានា រួមទាំងជំងឺទឹកនោមផ្អែម រួមជាមួយនឹងការចុះខ្សោយប្រព័ន្ធការពាររាងកាយ អាចនាំទៅរកការវិវត្តនៃជំងឺមហារីក។ ការព្យាបាលដោយប្រើគីមី ការព្យាបាលដោយការបាញ់កាំរស្មី និងការវះកាត់គឺជាវិធីសាស្ត្រសំខាន់ក្នុងការព្យាបាល។ ទោះយ៉ាងណាក៏ដោយវិធីព្យាបាលទាំងអំបាលម៉ានខាងលើ នាំទៅរកភាពចុះខ្សោយនៃប្រព័ន្ធភាពស៊ាំ ដែលជាហេតុបង្កើនការរីករាលដាលនៃកោសិកាមហារីក ទៅវិញ។ គោលបំណងនៃការចងក្រងការសិក្សាពេលនេះគឺដើម្បីផ្តល់នូវភស្តុតាងនៃភ្នាក់ងារឆ្លើយតបបែបជីវសាស្រ្ដនៃβ-glucan [វិធីសាស្រ្ត នៃការប្រើបេតាគ្លូខេនជាវ៉ាក់សាំង សម្រាប់ការព្យាបាលជំងឺមហារីកតាមរយៈការបង្កើនភាពស៊ាំ] និងអត្ថប្រយោជន៍ប្រកបដោយប្រសិទ្ធភាពរបស់បេតាគ្លូខេន ដូចជាដើរតួជាវ៉ាក់សាំង ការធ្វើឱ្យមានសមតុល្យ នៃមេតាបូលីស (លំនឹងកម្រិតជាតិស្ករ និងខ្លាញ់) ការបង្កើនកម្រិតកោសិកាឈាមសក្នុងកោសិកាប្រឆាំងនឹងជំងឺមហារីក និងកាត់បន្ថយផលប៉ះពាល់នៃការព្យាបាលដោយប្រើគីមី។ នេះបង្ហាញពីគុណតម្លៃរបស់បេតាគ្លូខេនដ៏មានសក្តានុពលក្នុងការផ្ដល់នូវការការពាររយៈពេលវែងចំពោះបុគ្គលដែលមានប្រព័ន្ធការពាររាងកាយខ្សោយ ដែលងាយរងហានិភ័យនៃជំងឺមហារីក។
ឯកសារយោង
Ikewaki, N., Dedeepiya, V.D., Raghavan, K., Rao, K.S., Vaddi, S., Osawa, H., Kisaka, T., Kurosawa, G., Srinivasan, S., Kumar, S.R.B. and Senthilkumar, R., 2022. β‑glucan vaccine adjuvant approach for cancer treatment through immune enhancement (B‑VACCIEN) in specific immunocompromised populations. Oncology reports, 47(1), pp.1-9.