ß-Glucans គឺជាសារធាតុ polysaccharides ដែលកើតឡើងដោយធម្មជាតិ។ លក្ខណៈសម្បត្តិព្យាបាល និង ពង្រឹងប្រព័ន្ធការពាររាងកាយ នៃផ្សិតត្រូវបានគេស្គាល់រាប់ពាន់ឆ្នាំមកហើយនៅក្នុងបណ្តាប្រទេសភាគខាងកើត។ ផ្សិតទាំងនេះមានផ្ទុកសារធាតុ polysaccharides សកម្មជីវសាស្រ្ត ដែលភាគច្រើនជាក្រុម ß-glucans។ សារធាតុទាំងនេះបង្កើនសមត្ថភាពអង្គបដិបក្ខ (កោសិកាប្រព័ន្ធភាពស៊ាំ) ដូចជាធ្វើឱ្យកោសិកា macrophages និងកោសិកាកម្ចាត់រោគដំណើការកាន់តែសកម្ម និងមានប្រសិទ្ធភាព ក្នុងការទប់ស្កាត់ និងប្រឆាំងនឹងមេរោគ។ ß-Glucans ក៏បង្ហាញពីសកម្មភាពប្រឆាំងមហារីកផងដែរ។ ß-Glucans អាចការពារ ការកកើត ឬប្រមូលផ្ដុំនៃកោសិកាមហារីក។ ក្នុងនាមជាភ្នាក់ងារ ពង្រឹងប្រព័ន្ធការពាររាងកាយ ß-glucan អាចរារាំងការលូតលាស់ដុំសាច់ក្នុងដំណាក់កាលរាលដាលផងដែរ។ សកម្មភាពប្រឆាំងនឹងការកកើតសរសៃឈាមថ្មី ជាមធ្យោបាយមួយដែល ß-glucans អាចកាត់បន្ថយការការកកើត និងប្រឆាំងនឹងដុំសាច់។ ß-Glucan ស្ដារឡើងវិញនូវការបង្កើតគ្រាប់ឈាម បន្ទាប់ពីរបួសខួរឆ្អឹងបង្កពីការព្យាបាលដោយប្រើគីមីមហារីក និងវិទ្យុសកម្ម(បាញ់កាំរស្មី)។ ការពង្រឹងប្រព័ន្ធភាពស៊ាំ ឬប្រព័ន្ធការពាររាងកាយ គឺជាយុទ្ធសាស្ត្រថ្មីនៃការព្យាបាលជំងឺមហារីក។ ការទទួលទាន ß-glucan ជួយឱ្យប្រព័ន្ធការពាររាងកាយរឹងមាំ បង្ការ និងកម្ចាត់ដុំគីស និងកោសិកាមហារីក។
Akramienė, D., Kondrotas, A., Didžiapetrienė, J. and Kėvelaitis, E., 2007. Effects of ß-glucans on the immune system. Medicina, 43(8), p.597.
ការសិក្សាមួយចំនួនធំបានបង្ហាញថា β-glucan ក្នុងទម្រង់ជាជែល អាចភ្ជាប់ទៅនឹងភ្នាក់ងារទទួលនៅលើផ្ទៃនៃកោសិកាភាពស៊ាំ ធ្វើឱ្យ កោសិកាភាពស៊ាំពីកំណើត រឹងមាំ និងបង្កើនការការពារប្រឆាំងនឹងដុំសាច់។ β-glucans ដែលមានទម្រង់ជា ជែលត្រូវបានគេប្រើយ៉ាងទូលំទូលាយនៅក្នុងការសិក្សាអំពីថ្នាំប្រឆាំងនឹងដុំសាច់ និងជាសមាសធាតុសម្រាប់ ព្យាបាលអ្នកជំងឺមហារីក។ ការសិក្សាស៊ីជម្រៅនៃទំនាក់ទំនងរចនាសម្ព័ន្ធ-សកម្មភាពរបស់វា គេរកឃើញថា សារធាតុបេតាគ្លូខេន ដើរតួដូចជាឱសថប្រឆាំង និងកម្ចាត់ដុំសាច់ (ដុំគីស)។ ដែលគេស្គាល់ជាទូទៅថាជាភ្នាក់ងារពង្រឹងប្រព័ន្ធការពាររាងកាយ